ماكينة الاسعار تلتهم الغلابة .. والدعاء على التجار الجشعين بالمرض هو سيد الموقف
كتبت : انديانا خالد
حالة تذمر يعيشها المستهلك المصرى وخاصة مع التسارع والتضاعف الرهيب فى اسعار المواد الغذائية الضرورية ، اختفاء سكر ، تضاعف اسعار زيوت الطعام والسمن بكافة انواعه .
تجولت "صوت المال " فى احد المولات الكبرى للمواد الغذائية بمنطقة حدائق القبة ، الرفوف شبه خاوية من البضائع الاساسية ، والموجود عبارة عن بواقى لاشياء وبضائع .
محمد عبد الفتاح 40 سنة يقول :" انا هاتجنن الاسبوع اللى فات نزلت اشترى زجاجة زيت 2 لتر ونصف ب 29 جنيه ، والاسبوع ده اشتريتها ب 39 جنيه .. 10 جنيه فرق فى اسبوع مع انى شاكك انها هى هى البضاعة القديمة وانه تم لصق السعر الجديد عليها .. حسبي الله ونعم الوكيل فى كل واحد بيتاجر بقوت الغلابة ..
وصرخ فينا :" اعملوا حاجة تحمينا امال انتم صحافة ايه اكتبوا ان الناس بتتكوى من نار الاسعار والتجار مش بترحم " .
هناء على 36 سنى ربة منزل لم تجد ما تقول عند سؤالها عن الاسعار الا ان تقول "حسبي الله ونعم الوكيل وكررتها اكثر من مرة " .
فيما دعت ام كريم على التجار الجشعين بقولها ربنا ينتقم منهم فى عيالهم وصحتهم ويصرفوا الفلوس اللى بيسرقوها دى على مرضهم يارب .
فيما يعتقد اكرم سيد 30 سنة ان التجار لازم يعملوا كده قائلا : " هو لما يجي يشتري جملة بيشتري بالسعر الجديد ، فلو معملش كده رأس ماله هيقل و مكسبه كمان ، فهو كمان مضطر غصب عنه ناهبك عن تضرره من ضعف البيع .. .. اللي يستحق الدعاء هما الحيتان الكبار اللي بيشتروا كميات و اطنان و بتتخزن لفترات طويلة لكن بشكل عام كله متضرر" .
وتقول اشجان لتجار لأنهم هما كمان هايبجوا يشتروا الحاجة هتكون غالية اوى.
