فشل مبادرة مقاطعة الشراء..ومواطنون لـ«صوت المال»: مافيش حاجة هتتغير
كتبت : أميرة سعد
قامت بوابة "صوت المال" ، برصد اراء المواطنين حول مبادرة مقاطعة الشراء من المحال التجارية اليوم التى أطلقها جهاز حماية المستهلك؛ اعتراضاً على ارتفاع الأسعار، وسط حركة بيع طبيعة فى معظم المحلات والسوبر ماركت بمنطقة امبابة والوراق ، كالتالى :
قالت رحمه منصور - ربة منزل- أنها لم تشارك في الحملة ، واضافت "سواء إشترينا او لا مافيش حاجة هتتغير".
وتابعت " التموين السكر الكيس بقي ٧ج بعد ما كان ب ٥ ج ... بقوله يا زغلول- موزع التموين- إن فيه زيادة قال لا هو الفرد كيس واحد بس .. لازم حد مسؤل ينزل تفتيش سري علي تجار التموين".
ويقول ياسر- بائع- إن الناس بتضطر للشراء رغم غلاء الاسعار مره آخري.. والناس الي بتقول إن الغلط علي التجار.. إحنا مالناش علاقة .. حال البلد بايظ وكلنا بناكل وبنشرب زي الي بيشترو بالظبط".
ورفضت الحاجة أم فاروق - ربه منزل- المقاطعة ، قائلة "إحنا لو إنقطعنا عن الشراء مين اللي هيضر أكيد احنا الغلابة برضو ، وأضافت" مش كفايه حال البلد كمان هيبقي حرمان وغلاء أسعار.. رغيف العيش معدش لاقيينه".
ورفض -وليد -"بائع " المقاطعة قائلا "إحنا كلنا غلابة وكلنا إندهسنا ومش عارفين نشتغل زي الاول أيام ماكانت الحاجة رخيصة علي القد ولا عارفين نعيش حتي زي اي حد راضي باللي بيحصل ".
محمد - علي المعاش - رفض المقاطعة تماما قائلا : " مقاطعة ايه الي يوم واحد في ديسمبر ... ده علي اساس أن الناس مش هتشتري حاجه طول اليوم دا كلام مش صح .. الناس مضطرة وزي ما وافقوا غصب عنهم علي الي بيحصل خلاص يبطلوا يشتكوا ".
وقال اشرف -عامل في مدرسة - : " مدام الجنيه وقع والدولار بقي فوق أنسوا إننا نرجع زي الاول ، أيام مبارك كنا في آمان كنا في رخص في الاكل والشرب وكل حاجة .. إحنا إتبطرنا علي النعمة الي كانت قدمنا ٣٠ سنه"
