فيديو .. عمرو أديب يوجه رسالة حقد لـ «الهضبة»: شعر وصحة وفلوس والبنات بتحبه

رولا الجوهرى


تهكم الإعلامي عمرو أديب على الفنان عمرو دياب، بعد عرض دياب فيديو وهو يمارس فيه "الجيم" ويستعرض لياقته البدنية وقدراته الجسمانية قائلا " تصحى الصبح تفتح تويتر تلاقي الأستاذ عمرو دياب بينكد عليك رسمي.. تشعر إن إنت متوفي إكلينيكيا.. إن إنت أنتهيت ومالكشي لازمة وإن إنت قطع غيار وصيني.. أنا بقوم من السرير و4 بيقوموني والأستاذ عمرو دياب بيعمل حاجات يعجز عن فعلها أي حد في ريال مدريد.. صحة مفرطة.. والمفروض إننا سن واحد".


 
وأضاف خلال تقديمه برنامج " كل يوم"، المذاع على قناة "أون لايف"، هعمل فيديو وهنزلو وهوريك شغل المجانص والترابيس، وهوريك السمانات يا عمرو.. أنا هوريك يا عمرو يا دياب.. هوريك عمرو أديب في الجيم بتاعه.. أنا بصراحة مكنتش بحب أعمل الحاجات دي علشان العين، لكن عمرو لغاية اللحظة اللي إحنا فيها محصلش فيها حاجة لعمرو دياب.. وهو ضد العين وأنا كمان مش هخاف لأني كنت خايف أوري الناس قدراتي في الجيم بتاعي، وأنا أوعد جمهوري الحبيب وهجيب مخرج من برة يظبطني ويعملي شوية فوتوشوب".
 
وتابع أديب: "عمرو أخوك تعب.. أخوك معرفشي يعمل حركة من دول.. ليه ياعمرو كدا.. إيه الصحة اللي إنت فيها دي.. إيه التفاؤل والسعادة اللي إنت فيها دي".



عمرو اديب