خدامك يا ممدوح بيه!
إسلام حامد
الشاي ، الدخان ، الإكرامية ، الحلاوة ، كلها مسميات واحدة لمصطلح واحد فقط هو "الرشوة" ، ولكنها ترتدى قناعا من المحسنات ، وربما الفضيلة لاظهارها فى صورة الامر الطبيعى المعتاد .
الرشوة تتمثل في صور عدة ، رشوة مادية مثل النقود أو معنوية ومادية مقدمة في صورة جسد أو خدمة مقابل خدمة .
في خلال 1095 يوما ، قامت الأجهزة الرقابية فى مصر بأعمال كثيرة كان سببا فى بقاء مصر ضمن أفضل 20 دولة في مجال مكافحة الفساد، حيث تمكنت أجهزة الدولة الرقابية من كشف مئات قضايا الرشوة والفساد، وقفزت مصر 36 مركزا فى مؤشر مكافحة الفساد، وذلك لجدية الدولة فى محاربة الفساد الذى يستنزف جهود البناء.
أذكر في شتاء عام 2014، وعقب وفاة والدى، وفى مصلحة حكومية "التامينات والمعاشات" لها احتكاك بالمواطنين بل واحتكاك بقطاع عريض من المواطنين وكبار السن والارامل من أهلنا وإخوتنا ، خدموا الوطن كثيرا ، ويتعاملون مع هذه المصلحة لانجاز ما يساعدهم على تقاضي معاش أيامهم .
التأمينات والمعاشات .. طابور لا ينتهي من المواطنين على موظف واحد هو المشغول بالرد على 30 مواطن، لان زميله بيفطر وبيشرب الشاي وبيعدل مزاجه "بيحبس" بسيجارة ، علشان بعد كده يمشي بالراحة خالص لحد المكتب في تباته منقطعة النظير ، علشان بعد كده ، يشوفك عايز إيه وطبعا فى وجه كئيب لا يخلو من السماجة والرذالة اللي ممكن تخليك تكره أيامك وعمرك كله .
وقفت فى الطابور الممد عبر ثلاثون فردا ، ووصلت إلى الشباك .. ثم دار الحوار التالى :
انا : صباح الخير انا جاى ابلغ عن وفاة الوالد وعايز أوقف المعاش بتاعه ، وادى كل الورق وشهادة الوفاة .
أستاذ شاكر: ورقك سليم بس محتاجين الرقم التأمينى بتاع والدتك المتوفية ..
أستاذ شاكر: ورقك سليم بس محتاجين الرقم التأمينى بتاع والدتك المتوفية ..
انا : طب وده هاتعملوا بيه إيه حضرتك!! .. وايه علاقة والدتى المتوفية بأبويا المتوفى الان .. انا جاى هنا اثبت انى مواطن نزيه ..شريف ..عفيف .. بخاف على أموال الحكومة ، وببلغ عن وفاة والدى علشان توقفوا المعاش .. وكل الحكاية ختم صغير .
شاكر : لالالالالالالالا أنت فاكر إيه ده ورق ولازم يتظبط ..
انا : طب ياباشا ليه التعقيد ، انا مش عايز منكم اى حاجة انا عايز اوقف المعاش ، عموما خلصنى النهاردة الله يكرمك لان ورايا شغل .
بادرنى بالسؤال مبتسما ابتسامة فتاة ليل نجحت فى اصطياد الزبون : انت قلت لى ان والدتك متوفية ..
قلت له فى حالة من الضجر : ايوه ..
قال لى : طب فاكر رقم البطاقة أو الرقم التـأمينى
قلت فى ابتسامة رجل يراود فتاة عن نفسها: لا والله بس ممكن لو اسم المرحومة امى يفيدك يبقي ربنا كريم .
قال لى: ماتقول كده من الصبح يا عم .. قول الاسم يا سيدي
انا : الحاجة المرحومة .........
قال لى : الرقم امامى أهو خد اكتب يا عم وكده ورقك تمام ولو احتجت اى حاجة أنا خدامك وعنيا ليك .
وكان لابد ان يعقب هذه الجملة "المريحة" ، "شوية شاى" .
ثم قال لى فى علامات أدب جم يشبه أدب القرود: معلش هاتعبك مشوار صغير لحد أستاذ ممدوح فى المكتب اللى جنبي هاتجيب منه الرقم التأمينى بتاع الوالد الله يرحمه ، ولا أقولك استني أنا جاى معاك .
قلت : يالا بينا ..
شاكر: صباح الخير أستاذ ممدوح .. الراجل ده حبيبنا وعايزين نخدمه ونوقف معاش والده .
ممدوح : خير يا باشا .. أتفضل
انا : الورق كله تمام وعايزين الرقم التأمينى بتاع الوالد
ممدوح : مين اللى قالك كده
أنا : الأستاذ شاكر
ممدوح بعدما تاكد من انصراف شاكر الى مكتبه: شاكر ده حمار مش بيفهم ، لازم تجيب لي إثبات من 2 موظفين بوفاة الوالد ، وده غير شهادة الوفاة.
أنا : طب الموضوع ده هاياخد وقت كتير ، هاروح البوفيه أجيب شاى ، قهوتك أيه يا أستاذ ممدوح؟
ممدوح مبتسما : الله يرحم والدك ماتتعبش نفسك محلولة .. أتفضل الرقم.
وفى حركة سريعة خفية كان هو الذى يرشدنى الى فعلها حتى لا تدركه أعين زملاؤه فى المكتب ، ومثل أجدع حرامى وضعت له 20 جنيه تحت الدفتر ، وهو بدوره أخدها من جيبه ووضعها تحت "مقعدته" كنوع من الحرص الا يراه احد ، ثم اخذت طريقها إلى جيبه .
ممدوح: بكره تيجي نكمل حاجة صغيرة وتكون قدامى الساعة 9.30 ولو اتاخرت معرفكش فاهم .
انا : حاضر يا استاذ ممدوح ..
متمتما فى سرى "ربنا ياخدك".
متمتما فى سرى "ربنا ياخدك".
