سهى الضاوي تكتب: مسببات السعادة..أنواع
لسعة الهواء اللي بتخبط وشك في موجة حر، رشفة المياه اللي بترويك وانت فى عز عطشك، الذكريات اللي بتفتكرها لما تسمع أغنية معينة او تروح مكان معين، الصدف بحلوها ومرها، الحوارات اللي بتتفتح من غير مبرر بس بتحس فيها أنك مبسوط، ثورة الغضب اللي بتهدى بمجرد أبتسامة او لمسة ايد، البدايات دايمًا في المواقف والعلاقات .
الجوابات الورق، الأغاني القديمة، الخروجات البسيطة، كلمة حب طيبت خاطر حد، مكالمة تليفون جت في وقتها، حكايات اتنين عن ذكريات بينهم، صديق كان كتفه في كتفك وقت أزمة.
فنجان قهوة يجيلك في وقت كنت محتاجه، ذكرى جميلة مرت في خيالك وأنت سرحان،أيد طبطبت ، كلمة طمنت وقت زعلك،
(وحشتنى) لما أتقالتك من حد عزيز أو من شخص كنت مستنى تسمعها منه.
فرحة صلاة العيد ولبس جديد، أول زغروطة تسمعها وقت نجاحك، وزغروطة تانية بعد كتب كتابك، أول مرتب قبضته وجبت بيه هدية لحد، الدمعة اللى نزلت وقت الفراق، الضحكة اللى كانت من قلبك بجد وقلت بعدها "اللهم أجعله خير" .
كل هذا غيره أشياء مسببة للسعادة ..
أخبرنى يا صديقى هل شُعرت بها ؟
أخبرنى يا صديقى هل شُعرت بها ؟
